أولا : بسم الله الرحمن الرحيم ... يا فتاح يا عليم يا رزاق يا كريم
أنا ( أعوذ بالله من كلمة أنا ) طالب بكلية الهندسة بالجامعة الألمانية , ما علينا ... عندنا في الجامعة أخدنا العيد و الإسبوعين اللي بعديه أجازة و الحمد لله ... المهم أنا كان أول يوم أخرج فيه في الأجازة الطويلة دي مع أصحابي في الجامعة ( كان يوم الخميس بعد العيد باسبوعيين ) .
و طبعا أنا نازل بأه والعيد خلص , بتخيل الشارع و هو رايق و مفيش زحمة ... لابس بأه لبس الكورة و رايح اقابل آسر وحازم ومازن (أصحاب الجامعة) في المهندسين الساعة 2 و مره واحدة من أولها رمسيس واقف و تاكسي يقولي 20 جنية و الواحد عمآل يسمع في عبط !!!! ...(يبقى أنت أكيد أكيد في مصر ) ... المهم أخيرا تاكسي ابن حلال راجل كبير كده ركبني الساعة 2 ب 10 جنية (يا بلاش ) ... للأسف وصلت على 3 إلا ربع , كان الراجل حكالي قصة حياتوا من ساعة عبد الناصر !!! ... و احنا حاجزيين ملعب الساعة 3 في أكتوبر ... (صباح الدماغ الرايقة ) ... وصلنا أكتوبر بعد عناء في ساعة إلا ربع تانية ... والحمد لله لعبنا ساعة و نص بس !!! ... أحسن من مفيش
و رجعت في 3 ساعات ونص !!!!!!!!!!!!
المشكلة كلها كانت في ابتكارات شعب مصر في كيفية حل أزمه المرور ( أو أقصد كل واحد يخرج من الزحمة اللي هو فيها ) و كمان التغيير المفاجئ لإشارات المرور ... فأكتشفت أن التعليم في المدارس لا يكشف الواقع الأليم الذي نعيشه
فالاشارة الحمراء للوقوف و الخضراء للسير == في جميع دول العالم ماعدا مصر !!! ... الخضراء للوقوف و الحمراء للسير !!!!
و كمان و أنا راجع من مدينة 6 أكتوبر , المحور اللي بيوصل المدينة بميدان لبنان كان واقف لدرجة اننا كنا في العربية ساعتيين كامليين ماشيين بسرعة الزق !!!... لدرجة الناس اللي راكبه في العربيات , نزلوا يتمشوا و سابوا السواق نايم على الدريكسيون !!!
وواحد تاني (السواق نفسه ) , العربية اللي في وشنا على طول ... نزل من العربية و خلع الجاكيت و احنا قاعديين و في الطريق واقفيين !!!!
فالجميل في الموضوع إني شوفت ابتكارات مجنونة لأشخاص مختلة عقلياً
الأولي : عربيات تطلع على الرصيف و تمشي - أقصد بتجري !!!!
الثانية : عربيات تطلع على الرصيف و لكن بتمشي على الطريق السريع العكسي ( علما بأن الطريق السريع تتعدى السرعة 100 كيلو)
فالحمد لله أصبح ما يسود مجتمعنا هو كل شئ مجنون و في الآخر بقينا نقول عادي و ربك هو اللي بيستر !!!!
و الألعن من كده إن كل واحد يبرر موقفه ... ماهو مش أنا لوحدي اللي بعمل كدة ... ( مبرر أقبح من الذنب )
فربنا يلطف بينا ... لأن حالنا بقى يصعب على الكلب اللي ديله عوج
أنا ( أعوذ بالله من كلمة أنا ) طالب بكلية الهندسة بالجامعة الألمانية , ما علينا ... عندنا في الجامعة أخدنا العيد و الإسبوعين اللي بعديه أجازة و الحمد لله ... المهم أنا كان أول يوم أخرج فيه في الأجازة الطويلة دي مع أصحابي في الجامعة ( كان يوم الخميس بعد العيد باسبوعيين ) .
و طبعا أنا نازل بأه والعيد خلص , بتخيل الشارع و هو رايق و مفيش زحمة ... لابس بأه لبس الكورة و رايح اقابل آسر وحازم ومازن (أصحاب الجامعة) في المهندسين الساعة 2 و مره واحدة من أولها رمسيس واقف و تاكسي يقولي 20 جنية و الواحد عمآل يسمع في عبط !!!! ...(يبقى أنت أكيد أكيد في مصر ) ... المهم أخيرا تاكسي ابن حلال راجل كبير كده ركبني الساعة 2 ب 10 جنية (يا بلاش ) ... للأسف وصلت على 3 إلا ربع , كان الراجل حكالي قصة حياتوا من ساعة عبد الناصر !!! ... و احنا حاجزيين ملعب الساعة 3 في أكتوبر ... (صباح الدماغ الرايقة ) ... وصلنا أكتوبر بعد عناء في ساعة إلا ربع تانية ... والحمد لله لعبنا ساعة و نص بس !!! ... أحسن من مفيش
و رجعت في 3 ساعات ونص !!!!!!!!!!!!
المشكلة كلها كانت في ابتكارات شعب مصر في كيفية حل أزمه المرور ( أو أقصد كل واحد يخرج من الزحمة اللي هو فيها ) و كمان التغيير المفاجئ لإشارات المرور ... فأكتشفت أن التعليم في المدارس لا يكشف الواقع الأليم الذي نعيشه
فالاشارة الحمراء للوقوف و الخضراء للسير == في جميع دول العالم ماعدا مصر !!! ... الخضراء للوقوف و الحمراء للسير !!!!
و كمان و أنا راجع من مدينة 6 أكتوبر , المحور اللي بيوصل المدينة بميدان لبنان كان واقف لدرجة اننا كنا في العربية ساعتيين كامليين ماشيين بسرعة الزق !!!... لدرجة الناس اللي راكبه في العربيات , نزلوا يتمشوا و سابوا السواق نايم على الدريكسيون !!!
وواحد تاني (السواق نفسه ) , العربية اللي في وشنا على طول ... نزل من العربية و خلع الجاكيت و احنا قاعديين و في الطريق واقفيين !!!!
فالجميل في الموضوع إني شوفت ابتكارات مجنونة لأشخاص مختلة عقلياً
الأولي : عربيات تطلع على الرصيف و تمشي - أقصد بتجري !!!!
الثانية : عربيات تطلع على الرصيف و لكن بتمشي على الطريق السريع العكسي ( علما بأن الطريق السريع تتعدى السرعة 100 كيلو)
فالحمد لله أصبح ما يسود مجتمعنا هو كل شئ مجنون و في الآخر بقينا نقول عادي و ربك هو اللي بيستر !!!!
و الألعن من كده إن كل واحد يبرر موقفه ... ماهو مش أنا لوحدي اللي بعمل كدة ... ( مبرر أقبح من الذنب )
فربنا يلطف بينا ... لأن حالنا بقى يصعب على الكلب اللي ديله عوج
1 comment:
heeyy
nice topics
bas eh el relation benhoum!!??
Post a Comment